باجوڑ میں ریموٹ کنٹرول بم دھماکا، دو افراد جاں بحق

باجوڑ (آن لائن)خیبرپختونخوا کے ضلع باجوڑ میں ریموٹ کنٹرول بم دھماکے میں دو افراد جاںبحق ہوگئے۔میڈیارپورٹ کے مطابق باجوڑ کے ڈپٹی سپرنٹنڈنٹ آف پولیس (ڈی ایس پی) ستار خان نے بتایا کہ تحصیل وڑ ماموند کے علاقے تیر بانڈگئی روڈ پر گاڑی پر ریموٹ کنٹرول بم دھماکا ہوا۔انہوں نے بتایا کہ دھماکے کے نتیجے میں گاڑی کا ڈرائیور موقع پر جاں بحق ہوا جبکہ گاڑی کا ٹھیکیدار گل اعظم زخمی ہوا۔ڈی ایس پی ستار خان نے کہا کہ مذکورہ گاڑی سیکیورٹی چیک پوسٹ کے لیے ریت لے جارہی تھی۔انہوں نے بتایا کہ دھماکے میں زخمی ہونے والے افراد اور جاں بحق ڈرائیور کا جسد خاکی ڈسٹرکٹ ہیڈکوارٹرز ہسپتال باجوڑ منتقل کردیا گیا ہے جہاں زخمی ٹھیکے دار بھی دم توڑ گئے