مصر کیساتھ سرحدی تنازع عارضی ہے، مشترکہ تعاون متاثر نہیں ہوگا، اسرائیل

تل ابیب : اسرائیلی وزیر اعظم بنجمن نیتن یاہو نے کہا ہے کہ مصر کے ساتھ سرحد پر سکیورٹی کا واقعہ ایک عارضی واقعہ ہے اور اس سے دونوں ملکوں کے درمیان تعاون متاثر نہیں ہو گا۔ اسرائیلی ٹی وی نے بتایاکہ کہ نیتن یاہو کو اسرائیل کے ساتھ مصر کی سرحد پر فائرنگ کے واقعہ سے متعلق رپورٹس موصول ہوئی تھیں۔وزیر اعظم نیتن یاھو کے حوالے سے کہا کہ مصر کے ساتھ سرحد پر پیش آنے والا سیکورٹی کا واقعہ عارضی تھا۔ نیتن یاہو نے حکومتی وزرا اور حکام سے کہا تھا کہ یہ واقعہ مشترکہ تعاون کو متاثر نہیں کرے گا۔ اس تعاون میں دونوں ملکوں کی درمیانی سرحد پر حفاظتی انتظامات کو برقرار رکھنا بھی شامل ہے۔ نیتن یاھو نے کہا کہ واقعہ کی تحقیقات مصر کے مکمل تعاون سے جاری ہیں۔اسرائیلی فوج نے کے دن کے شروع میں اعلان کیا تھا کہ دونوں ملکوں کی سرحد پر ایک بندوق بردار کے حملے میں تین اسرائیلی فوجی ہلاک اور چوتھا زخمی ہوگیا ہے۔ مصری فوج کے بیان میں کہا گیا کہ کو صبح سویرے بین الاقوامی سرحدی لائن کی حفاظت کے انچارج سیکیورٹی اہلکاروں میں سے ایک نے منشیات کی سمگلنگ کرنے والے عناصر کا پیچھا کیا اور تعاقب کے دوران سیکیورٹی اہلکاروں نے حفاظتی رکاوٹ کو توڑا اور فائرنگ کا تبادلہ کیا جس کے نتیجے میں ایک مصری محافظ جاں بحق ہوگیا۔ فائرنگ کے تبادلے کے دوران 3 صہیونی فوجی ہلاک اور 2 زخمی ہوگئے۔مصری فوج کے ترجمان نے کہا کہ علاقے میں تلاشی، معائنہ اور انشورنس کے اقدامات کیے جا رہے ہیں۔ واقعہ کے حوالے سے قانونی اقدامات بھی کیے جا رہے ہیں۔