جنوبی افریقامیں پچاس میٹر بلند پُل سے بس گر گئی، 45مسافر ہلاک

جنوبی افریقا (مانیٹرنگ ڈیسک)ایک بس حادثے کا پیش خیمہ بن گئی، بس کے نالے میں گرنے سے 45مسیحی زائرین ہلاک ہو گئے، جبکہ ایک آٹھ سالہ بچی تشویشناک حالت میں زندہ ملی ، تفصیلات کے مطابق 50 میٹر بلند پ±ل کی ریلنگ توڑ کر نالے میں گرتے ہی بس میں آگ لگ گئی۔ بدنصیب مسافر بوٹسوانا کے دارالحکومت گوبورن سے جنوبی افریقا کے شمالی شہر موریا جارہے تھے جہاں انہیں سینٹ اینجینس زاینسٹ کرسچین چرچ میں ایسٹر کی دعائیہ تقریبات میں شریک ہونا تھا۔یہ حادثہ اس وقت رونما ہوا جب ایک ٹریلر کو ’ٹو“ کرنے کے دوران بس ڈرائیور کے کنٹرول میں نہ رہی۔ بعض لاشیں انتہائی مسخ ہونے کے باعث ناقابلِ شناخت ہوچکی ہیں۔ موریا نامی شہر جوہانسبرگ کے شمال مشرق میں 300 کلومیٹر کے فاصلے پر ہے۔بس جس مقام پر نالے میں گری وہ پہاڑوں سے گِھرا ہوا ہے۔ نالے میں بھی پہاڑیاں جن سے ٹکرانے کے باعث بس کے پرخچے ا±ڑ گئے۔