دنیا کا سب سے عمر رسیدہ شخص 114سال کی عمر میں چل بسا

امریکا(مانیٹرنگ ڈیسک)جنوبی امریکا کے ملک وینزویلا سے تعلق رکھنے والا جوآن ویسنٹ پیریز مور ا نامی شخص کو دنیا کا سب سے عمر رسیدہ شخص قرار دیا گیا تھا، تفصیلات کے مطابق میڈیا رپورٹس میں بتایا گیا ہے کہ 2022 میں گنیز ورلڈ ریکارڈز کی جانب سے جوآن کو باقاعدہ سرٹیفیکٹ بھی دیا گیا تھا اور اس وقت ان کی عمر 112 سال اور 253 دن تھی، میڈیا رپورٹس کے مطابق جوآن 11 بچوں کے باپ تھے اور ان کے 41 پوتا پوتی اور نواسے نواسی ہیں جب کہ 18 پر پوتے پوتیاں، نواسے نواسیاں اور ان کے بھی 12 بچے ہیں، جوآن پیشے کے اعتبار سے کسان تھے اور انہوں نے 5 سال کی عمر میں اپنے باپ اور بھائیوں کے ساتھ کھیتوں میں کام کرنا شروع کردیا تھا جب کہ دس بہن بھائیوں میں ان کا نواں نمبر تھا۔