وزیر اعلیٰ بلوچستان نے عدالتوں میں بیرونی پارکنگ کا مسئلہ حل کرنے کےلئے احکامات جاری کردیے
کوئٹہ(انتخاب نیوز)وزیر اعلیٰ بلوچستان میر سرفراز بگٹی سے کوئٹہ بار ایسوسی ایشن کے صدر قاری رحمت اللہ کاکڑ کی سربراہی میں نمائندہ وفد نے ملاقات کی۔ اس موقع پر وزیر اعلیٰ بلوچستان سرفراز بگٹی کا کہنا تھا کہ ہائی کورٹ اور دیگر عدالتوں میں بیرونی پارکنگ کا مسئلہ حل کرنے کے لئے انتظامیہ کو احکامات جاری کر دیئے گئے ہیں ، بلدیہ پلازہ میں قائم وکلاءکے دفاتر کے کرائے کے معاملات کو باہمی بات چیت کے ذریعے طے کرنے کے لئے کمشنر کوئٹہ کو ہدایات جاری کردی گئی ہیں۔ وزیر اعلیٰ بلوچستان کا مزید کہنا تھا کہ بلدیہ پلازہ میں بنیادی سہولیات کی فراہمی کو یقینی بنایا جائے گا۔ سرکاری کمرشل پلازہ کی چھت پر ریسٹورنٹ قائم کرکے دو ایلیویٹرز نصب کئے جائیں گے۔ قدیمی بلدیہ ٹی ہاو¿س کو بحال کرکے اسے ادبی سرگرمیوں کا مرکز بنائیں گے، دستیاب وسائل میں رہتے ہوئے بار ایسوسی ایشن کی سالانہ گرانٹ میں مناسب اضافے کا جائزہ لیا جائے گا۔
