مسلح افراد نے13 مزدوروں کو اغواء کر لیا

ٹانک (ویب ڈیسک) ٹانک سے 132 کے وی مین لائن پر کام کرنے والے 13 مزدور و اہلکاروں کو نامعلوم مسلح افراد اغواء کرکے اپنے ساتھ لے گئے۔پولیس کے مطابق ٹانک کے علاقے تتور میں مین ٹرانسمیشن لائن ٹانک ٹو جنڈولہ بچھانے پر 13 ملازمین کام کررہے تھے کہ نامعلوم مسلح افراد نے انکو اغواء کرلیا ۔تاہم بعد میں 9 مزدوروں کو اغواء کاروں نے رہا کیا جبکہ 4 ملازمین تاحال لاپتہ ہیں۔پولیس کا علاقے میں سرچ آپریشن جاری ہے لیکن تاحال کسی قسم کی گرفتاری عمل میں نہیں آئی اور نہ ہی اس واقعے کی کسی نے ذمہ داری قبول کی ہے۔