ترکیہ میں 6.2 شدت کا زلزلہ، یونان، بلغاریہ اور رومانیہ میں بھی جھٹکے محسوس

استنبول (صباح نیوز) ترکیہ میں 6.2 شدت کے زلزلے کے جھٹکے محسوس کیے گئے۔ غیر ملکی میڈیا کے مطابق ترکیہ میں 6.2 شدت کے زلزلے کے جھٹکے محسوس کیے گئے جبکہ یونان، بلغاریہ اور رومانیہ میں بھی زلزلہ کے جھٹکے محسوس کیے گئے۔ امریکی زلزلہ پیما مرکز کے مطابق زلزلے کا مرکز استنبول سے 73 کلومیٹر دور تھا اور زیر زمین اس کی گہرائی 10 کلومیٹر تھی۔ زلزلے کے جھٹکے لگنے کے بعد عوام میں خوف و ہراس پھیل گیا اور شہری گھروں سے باہر نکل آئے۔ ترک ڈیزاسٹر ایجنسی کا کہناہے کہ زلزلے سے نقصان کی اب تک کوئی اطلاع نہیں ملی ہے۔