بلوچستان میں دہشت گرد ایک ایس ایچ او کی مار ہیں سے متعلق میرا بیان نامکمل چلایا گیا، محسن نقوی

اسلام آباد (ویب ڈیسک) وفاقی وزیر داخلہ محسن نقوی نے شکوہ کرتے ہوئے کہا ہے کہ بلوچستان میں دہشت گرد ایک ایس ایچ او کی مار ہیں، میرا یہ بیان نامکمل چلایا گیا۔ اسلام آباد میں وزیر داخلہ محسن نقوی نے وزیرِ مملکت طلال چوہدری کے ہمراہ صحافیوں سے غیر رسمی گفتگو میں کہا ہے کہ میں نے کہا تھا کہ میں ایس ایچ او کی اصطلاح استعارے کے طور پر استعمال کر رہا ہوں۔ ان کا کہنا ہے کہ سیاق و سباق کے بغیر آدھا جملہ مشہور کرنا زیادتی ہے، فرنٹیئر کانسٹیبلری کی جگہ نئی فورس نہیں بنائی، وہی کام کرے گی جو کر رہی ہے۔