جہلم میں ایک ہی گھر کے 4 افراد کو گلا کاٹ کر قتل کردیا گیا

جہلم (انتخاب نیوز) نامعلوم افراد نے ایک ہی گھر کے 4 افراد کو گلا کاٹ کر قتل کردیا۔ پولیس کے مطابق جہلم کے کوٹھا پرانا گاو¿ں میں ایک گھر میں 4 افراد کو قتل کیا گیا ہے۔ پولیس کا کہنا ہے کہ مرنے والوں میں ایک خاتون بھی شامل ہیں، خاتون اور تین مردوں کو گلے کاٹ کر قتل کیا گیا ہے۔ پولیس کے مطابق مقتولین کی لاشیں پوسٹ مارٹم کے لیے اسپتال منتقل کردی گئی ہیں، قتل کی وجہ تحقیقات کے بعد معلوم ہوسکے گی۔