بنوں اور لکی مروت میں پولیس کا آپریشن، 5 دہشتگرد ہلاک کردیے، سی ٹی ڈی

پشاور (ویب ڈیسک) پولیس اور کاﺅنٹر ٹیررازم ڈپارٹمنٹ (سی ٹی ڈی) نے بنوں اور لکی مروت میں مشترکہ آپریشن کرتے ہوئے 5 دہشتگرد ہلاک کردیے۔ سینٹرل پولیس آفس پشاور کے مطابق پولیس اور سی ٹی ڈی نے بنوں اورلکی مروت میں کارروائی کی۔ سی پی او کا بتانا ہے کہ مشترکہ آپریشن کے دوران 5 دہشتگرد کو ہلاک کردیا جبکہ آپریشن میں پولیس اہلکار محفوظ رہے۔ سینٹرل پولیس آفس کے مطابق دہشتگردوں کے خلاف آپریشن میں پولیس کو عوام کا بھرپور تعاون حاصل ہے۔