بلاول کی مولانا فضل الرحمان سے ملاقات، اے پی سی پر تبادلہ خیال
چیئرمین پیپلز پارٹی بلاول بھٹو زرداری نے جمعیت علمائے اسلام (جے یو آئی) کے سربراہ مولانا فضل الرحمان سے ان کی رہائش گاہ پر ملاقات کی۔
دونوں رہنماؤں نے کل ہونے والی آل پارٹیز کانفرنس (اے پی سی) کے ایجنڈے اور اعلامیے پر غور کیا۔نواز شریف کے بعد آصف زرداری کا بھی اپوزیشن کی آل پارٹیز کانفرنس میں شرکت کا فیصلہ
ملاقات کے بعد میڈیا سے گفتگو میں بلاول نے کہا کہ اپوزیشن کی حکمت عملی کل سامنے آ جائے گی، مولانا فضل الرحمان کے ساتھ بہت اچھا اور تفصیلی تبادلہ خیال ہوا، مولانا کل ہماری اے پی سی میں بھی آئیں گے، اے پی سے کے بعد کل تفصیلی پریس کانفرنس ہوگی، اے پی سی کے بعد متحدہ اپوزیشن کا متفقہ لائحہ عمل آپ کے سامنے آئے گا۔
ذرائع کے مطابق بلاول نے بی این پی مینگل کے سربراہ اخترمینگل، بی این پی عوامی کے اسرار اللہ زہری اور قومی وطن پارٹی کے آفتاب شیرپائو سے بھی فون پر گفتگو کی ہے۔ذرائع کے مطابق پیپلزپارٹی نے جماعت اسلامی کی قیادت سے بھی رابطہ کیا ہے۔
اس کے علاوہ بلاول بھٹو زرداری کی زیر صدارت پیپلزپارٹی کا مشاورتی اجلاس بھی ہوا ہے جس میں اے پی سی کی تیاریوں کا جائزہ لیا گیا۔
