منی لانڈرنگ کیس،شہباز شریف کی اہلیہ اور سلیمان شہباز کو پیشی کا آخری موقع
لاہور:احتساب عدالت نے شہباز شریف فیملی کے خلاف منی لانڈرنگ کیس کے تحریری فیصلے میں شہباز شریف کی اہلیہ نصرت اور سلیمان شہباز کو پیشی کا آخری موقع دے دیا۔نجی ٹی وی کے مطابق لاہور کی احتساب عدالت نے شہباز شریف فیملی کے خلاف منی لانڈرنگ کیس کی گزشتہ سماعت کا تحریری فیصلہ جاری کردیا، احتساب عدالت کے جج جوادالحسن نے3صفحات کا تحریری فیصلہ جاری کیا۔تحریری فیصلے میں کہا گیا کہ شہبازشریف اور حمزہ سمیت10ملزمان پرفردجرم عائدکی گئی تاہم ملزمان نے صحت جرم سے انکار کردیا۔عدالت نے کہا شہباز شریف کی اہلیہ نصرت اور سلیمان شہباز کوپیشی کاآخری موقع دیاجاتاہے جبکہ رابعہ عمران،ہارون یوسف بھی آئندہ سماعت پر پیش ہوں۔فیصلے میں کہا گیا کہ ملزمان کے وکلانے تیاری کے لیے 14روزکاوقت مانگا اورسماعت ملتوی کرنیکی استدعا کی، ملزمان کے وکلا کی استدعا پر سماعت ملتوی کی جاتی ہے۔یاد رہے گذشتہ روز احتساب عدالت نے منی لانڈرنگ ریفرنس میں اپوزیشن لیڈر شہبازشریف اور حمزہ شہباز پر فردجرم عائد کی تھی۔
