سپر اسٹار ماہرہ خان کی کرس گیل کے گُگلی چیلنج پر زبردست ویڈیو

پاکستان سپر لیگ (پی ایس ایل) کے چھٹے ایڈیشن کی ٹیم کوئٹہ گلیڈی ایٹرز کے کھلاڑی کرس گیل کے گُگلی چیلنج پر اب سپر اسٹار ماہرہ خان کی زبردست ویڈیو سامنے آئی ہے۔
چند روز قبل کرس گیل کی جانب سے گُگلی چیلنج متعارف کرایا گیا تھا جسے پاکستانی کھلاڑی حسن علی نے کیا تھا اور حسن علی کی ویڈیو کو خوب پسند کیا گیا تھا۔
اب پاکستان پی ایس ایل کے آفیشل ٹوئٹر اکاؤنٹ پر سپر اسٹار ماہرہ خان کی ویڈیو شیئر کی گئی ہے جس میں وہ کرس گیل کے گُگلی چیلنج کے مشہور اسٹیپس کرتے ہوئے دکھائی دے رہی ہیں۔
گُگلی چیلنج پر اداکارہ ماہرہ خان کی یہ ویڈیو دیکھتے ہی دیکھتے خوب مقبول ہو رہی ہے اور اسے اب تک 4 ہزار کے قریب صارفین کی جانب سے دیکھا جا چکا ہے۔
واضح رہے کہ پی ایس ایل 6 کے سیزن میں گُگلی چیلنج ٹیم کوئٹہ گلیڈی ایٹرز کے کھلاڑی کرس گیل نے متعارف کروایا تھا جس کی ویڈیو ٹوئٹر پر پی ایس ایل کے آفیشل اکاؤنٹ پر شیئر کی گئی تھی۔