حکمران اتحاد کا فل کورٹ کے مطالبے سے پیچھے نہ ہٹنے پر اتفاق
اسلام آباد(انتخاب نیوز)سپریم کورٹ کا ممکنہ فیصلہ حکومتی اتحاد اور پی ڈی ایم کے بڑوں نے سر جوڑ لئے، حکمران اتحاد اور پی ڈی ایم کے قائدین کا فل کورٹ کے مطالبے سے پیچھے نہ ہٹنے پر اتفاق، وزیراعظم ہاﺅس میں حکمران اتحاد اور پی ڈی ایم کے قائدین کا اہم مشاورتی اجلاس۔ وزیراعظم شہبازشریف، پی ڈی ایم کے سربراہ مولانا فضل الرحمن، پی پی پی کے چیئرمین بلاول بھٹو زرداری شریک، ایم کیو ایم، مسلم لیگ (ق)، اے این پی، بی اے پی، بی این پی سمیت دیگر اتحادی جماعتوں کے قائدین بھی شریک، پاکستان مسلم لیگ (ن) کی نائب صدر مریم نواز شریف اور پارٹی کے دیگر قائدین بھی اجلاس میں شریک ہیں۔ سپریم کورٹ کے تین رکنی بینچ کے فیصلے کی روشنی میں مستقبل کی حکمت عملی طے، تمام قائدین کا ممکنہ صورتحال میں متفقہ حکمت عملی کے ساتھ آگے بڑھنے پر اتفاق۔ اجلاس کو سپریم کورٹ کی کارروائی سے متعلق بریفنگ دی گئی۔
