بلوچستان میں سیلاب زدگان کےلئے پیشگی اقدامات نہیں کئے گئے تھے، ہدایت الرحمن

اوتھل (نمائندہ انتخاب) جماعت اسلامی بلوچستان کے جنرل سیکرٹری و حق دوتحریک کے سربراہ مولانا ہدایت الرحمن بلوچ نے کہاہے کہ بلوچستان سیلاب میں تباہ وبرباد ہوگیا ہے ہزاروں لوگ بے گھر ہوکر کھلے آسمان تلے زندگی گزارنے پر مجبور ہیں لیکن صوبائی اور وفاقی حکومتیں بلوچستان کے سیلاب زدگان کی دادرسی کیلئے کوئی کردار ادانہیں کررہیں جدید اور ترقی یافتہ ممالک میں اسطرح کی آفات سے نمٹنے کیلئے پیشگی اقدامات کئے جاتے ہیں لیکن بدقسمتی سے ہمارے ملک میں اسطرح کے کوئی اقدامات نہیں کئے جاتے جس سے لوگوں کو بروقت آگاہ کرکے انہیں اس نقصان سے بچایا جاسکے،بیلہ سے منتخب ایم پی اے وسابق وزیر اعلیٰ بلوچستان جام کمال خان اور لسبیلہ گوادر سے منتخب رکن قومی اسمبلی محمد اسلم بھوتانی لسبیلہ کے سیلاب متاثرین کیلئے دو دو سوگھروں کی تعمیرکا اعلان کریں ان خیالات کا اظہار انہوں نے ضلعی ہیڈکوارٹر اوتھل میں ارمابیل پریس کلب میں پریس کانفرنس کرتے ہوئے کیا انہوں نے کہاکہ بلوچستان میں سیلاب میں جس بڑے پیمانے پر نقصانات کئے ہیں شاید اگلے دس برسوں تک اسکا ازالہ نہ ہوسکے ملک میں محکمہ موسمیات سمیت دیگر قدرتی آفات سے نمٹنے کیلئے جو صوبائی ووفاقی ادارے قائم ہیں وہ سب ناکام ہوچکے ہیں نیشنل ڈیزاسٹر مینجمنٹ (NDMA)تو اس سیلاب میں مکمل طورپر ناکام دکھائی دیا بلوچستان میں اتنی بڑی تباہی میں این ڈی ایم اے کی پورے صوبے میں کہیں کوئی سرگرمی نظر نہیں آئی انہوں نے کہاکہ افسوس سے کہنا پڑرہاہے کہ صوبائی حکومت کی کرپشن کی وجہ سے صوبے کے 15ڈیم ٹوٹ گئے ان ڈیموں پر 15ارب روپے خرچ کئے گئے اور ان پر خرچ ہونے والی رقم ڈوب گئی وزیر اعلیٰ بلوچستان کا حلقہ جھاو¿ اور آواران بھی سیلاب سے متاثر ہیں لیکن وزیر اعلیٰ وہاں بھی نہیں جاسکے انہوں نے کہاکہ الخدمت فاو¿نڈیشن اپنی بساط کے مطابق اپنے بلوچستان کے سیلاب زدہ بھائیوں کی بھرپور مدد کررہی ہے آج بھی بیلہ کے علاقے ڈان میں سیلاب زدگان میں راشن اور خیمے تقسیم کیے گئے اور وہاں پر فی خاندان کو 30ہزار روپے دیکر مجموعی طورپر 12لاکھ روپے دیئے گئے اور جہاں پر ضرورت پڑی الخدمت فاو¿نڈیشن نے میڈیکل کیمپ بھی قائم کیے انہوں نے ایک سوال کے جواب میں کہاکہ آرمی چیف لسبیلہ کے سیلاب زدگان سے ملنے کیلئے آئے اور چلے گئے لیکن انکے دورے کا کوئی فائدہ نظر نہیں آرہاضلعی انتظامیہ کا بھی کوئی خاص کردار نظر نہیں آرہا وہ صرف فوٹو سیشن کی حدتک ہی کام کررہی ہے اسکے علاوہ کوئی اقدامات نظر نہیں آرہے اس موقع پر جماعت اسلامی لسبیلہ کے امیر عبدالمالک رونجھو اور دیگر بھی موجود تھے۔