پاکستان اور متحدہ عرب امارات کا رشتہ تاریخی اہمیت کا حامل ہے، ضیاءاللہ لانگو

کوئٹہ(انتخاب نیوز) مشیر داخلہ بلوچستان میرضیاءللہ لانگو نے کہا ہے کہ پاکستان اورمتحدہ عرب امارات کا رشتہ تاریخی اہمیت کا حامل ہے۔تفصیلات کے مطابق مشیر داخلہ بلوچستان میرضیاءاللہ لانگو سے یو اے ای قونصلیٹ میں متحدہ عرب امارات کے سفیر حماد الزیبی سے ملاقات ہوئی ہے۔ملاقات میں بلوچستان کی سیلاب سے متاثرہ علاقوں کی موجودہ صورتحال پر تفصیلی گفتگو ہوئی۔ملاقات میں یو اے ای سفیر حماد الزیبی کا کہنا تھا کہ پاکستان میں بارشوں اور سیلاب کے باعث بڑا نقصان ہوا ہے جس کا ہمیں بہت دکھ ہوا ہے۔حماد الزیبی نے یہ بھی کہا کہ مشکل کی گھڑی میں یو اے ای کی حکومت پاکستان اور یہاں کی عوام کے ساتھ کھڑی ہے۔متحدہ عرب امارات کے سفیر حماد الزیبی کا مزید کہنا تھا کہ بارشوں اور سیلاب کی تباہ کاریوں کے بعد بلوچستان میں بھی امدادی پروگرام جاری ہے۔اس موقع پر مشیر داخلہ بلوچستان میر ضیاءاللہ لانگو نے کہا کہ پاکستان متحدہ عرب امارات کا رشتہ تاریخی اہمیت کا حامل ہے، پاکستان پر جب بھی سخت وقت آیا متحدہ عرب امارات نے ہمارا ساتھ دیا۔ملاقات میں قونصل جنرل بخیت الرومیٹی اور سیکرٹری جنرل یو اے ای ریڈ کریسنٹ حنودالجنیبی ،ڈی جی پی ڈی ایم اے بلوچستان نصیر ناصر،ڈائریکٹرز پی ڈی ایم اے عنایت اللہ،فصیل طارق ودیگر متعلقہ حکام بھی موجود تھے۔