تحریک انصاف کی سیلاب متاثرین کی امداد کے خلاف مہم شرمناک ہے، سعید غنی

کراچی (مانیٹرنگ ڈیسک)پیپلز پارٹی کے رہنما اور سندھ کے وزیر محنت سعید غنی نے کہا ہے کہ تحریک انصاف کی سوشل میڈیا پر سیلاب متاثرین کی امداد کے خلاف مہم شرمناک ہے۔سعید غنی کا کہنا ہے کہ عمران خان کی دشمنی حکومت سے ہے یا ملک اور متاثرین سے؟۔ اس وقت بھی عمران خان شر اور فتنے کو اپنی سیاست سمجھ رہے ہیں۔صوبائی وزیر کا کہنا تھا کہ وزارت داخلہ اس گھناونی مہم جوئی کا پتہ لگائے۔