ضمنی الیکشن کے بعد واضح ہوگیا کہ سارا پاکستان عمران خان کے ساتھ کھڑا ہے،یاسمین راشد

(ویب ڈیسک)پاکستان تحریک انصاف وسطی پنجاب کی صدر ڈاکٹر یاسمین راشد نے کہا ہے کہ ضمنی الیکشن کے بعد واضح ہوگیا کہ سارا پاکستان عمران خان کے ساتھ کھڑا ہے،رانا ثناء اللہ تو اپنی یوسی سے بھی ہارگیا ہے،پنجاب سے لانگ مارچ کو خود لیڈ کروں گی۔ضمنی انتخابات میں کامیابی پر تحریک انصاف لاہور نے تاجپورہ میں یوم تشکر کی تقریب کا اہتمام کیا۔اس موقع پرڈاکٹر یاسمین راشد نے کہا کہ اب چھوٹے دیہاتوں میں بھی لوگ عمران خان کو ووٹ دیتے ہیں،عمران خان نے اپنے دور میں سب سے زیادہ غریبوں کو ریلیف دیا،انہوں نے صحت کارڈ،احساس پروگرام دے کر ثابت کیا وہ غریب کا احساس رکھتے ہیں۔ان کا کہنا تھا کہ موجودہ امپورٹڈ حکومت سوائے بے عزتی کے کچھ نہیں کر واسکتی،بلاول نے مہنگائی مارچ کیا۔اب اسے مہنگائی نظر نہیں آرہی؟رانا ثنااللہ جتنی مرضی آنسو گیس منگوالے ہمارے سمندر کو نہیں روک سکے گا۔