وزیراعلیٰ بلوچستان کا کورونا وائرس ٹیسٹ کا رزلٹ مثبت آنے کی خبریں بے بنیاد ہیں،ترجمان وزیراعلیٰ سیکرٹریٹ

کوئٹہ:وزیراعلیٰ سیکرٹریٹ کے ترجمان نے سماجی رابطوں کے بعض گروپوں میں چلائی گئی اس خبر کی سختی سے تردید کی ہے جس میں کہا گیا ہے کہ وزیراعلیٰ بلوچستان کا کورونا وائرس ٹیسٹ کا رزلٹ مثبت آیا ہے ترجمان نے اس خبر کو من گھڑت اور بے بنیاد قرار دیتے ہوئے وضاحت کی ہے کہ وزیراعلیٰ کے دو دن قبل کرائے گئے کورونا ٹیسٹ کا رزلٹ منفی آیا ہے اور اللہ کے فضل سے وہ مکمل طور پر محفوظ اور صحت مند ہیں اور معمول کے سرکاری امور کی انجام دہی میں مصروف عمل ہیں جمعہ کے روز بھی وزیراعلیٰ کی زیر صدارت مختلف محکموں کے اجلاس منعقد ہوئے ترجمان نے وزیراعلیٰ کے حوالے سے اس منفی پروپیگنڈہ کی مذمت کرتے ہوئے کہا ہے کہ حکومت اس میں ملوث عناصر کے خلاف سائی بر کرائم کے تحت کارروائی کا حق محفوظ رکھتی ہے