پاک بھارت کلاسک میچ تھا، قومی ٹیم نے شاندار کارکردگی دکھائی،رمیز راجہ

میلبرن(ویب ڈیسک)پاک بھارت ہائی وولٹیج ٹاکرے پر تبصرہ کرتے ہوئے رمیز راجہ نے کہا کہ پاک بھارت کلاسک میچ تھا، قومی ٹیم نے شاندار کارکردگی دکھائی جس پر فخر ہے۔

انہوں نے کہا کہ آپ کچھ جیتے اور کچھ ہارتے ہیں، سب جانتے ہیں یہ کھیل ظالمانہ اور غیرمنصفانہ بھی ہوسکتا ہے۔ پاکستانی ٹیم نے گیند اور بلے سے وہ کیا جو کرسکتے تھے۔

دوسری جانب وزیر اعظم پاکستان شہباز شریف شاندار کارکردگی پر قومی ٹیم کو مبارک باد پیش کرتے ہوئے کھلاڑیوں کی حوصلہ افزائی کی ہے۔ وزیر اعظم نے اپنے بیان میں کہا کہ پاکستانی ٹیم نے اعلیٰ کوشش کی اور بہترین کھیل پیش کیا۔