شہرکے امن و امان میں خلل ڈالنے کی ہرگز اجازت نہیں دی جائے گی, ڈی آئی جی آپریشنز

اسلام آباد(آن لائن)وفاقی پولیس کے ڈی آئی جی آپریشنز سیہل ظفر چھٹہ نے اسلام آباد پولیس، سی ٹی ڈی،سندھ پولیس اور ٹر یفک پولیس کے افسران اور جوانوں کو ہدایت کی ہے کہ امن و امان کی صورتحال سے نمٹنے کے لئے ہمہ وقت تیار رہیں۔شہرکے امن و امان میں خلل ڈالنے کی ہرگز اجازت نہیں دی جائے گی اور شہریوں کی جان و مال اور نجی وسرکاری املاک کے تحفظ کے لئے تمام تر ضروری اقدامات بروئے کار لائے گی۔تفصیلات کے مطابق آئی جی اسلام آباد کے احکامات کی روشنی میں ڈی آئی جی آپریشنز سہیل ظفر چٹھہ نے ڈیوٹی پر مامور اسلام آباد پولیس،سی ٹی ڈی ہولیس،سندھ پولیس اور ٹریفک پولیس کے افسران اور جوانوں سے خطاب کرتے ہوئے کہا کہ تمام افسران لاء اینڈآرڈر صورتحال سے قانون کے مطابق نمٹنے کے لئے ہمہ وقت تیار رہیں۔اسلام آباد پولیس شہرکے امن و امان میں خلل ڈالنے کی ہرگز اجازت نہیں دے گی اور شہریوں کی جان و مال اور نجی وسرکاری املاک کے تحفظ کے لئے تمام تر ضروری اقدامات بروئے کار لائے گی۔تمام افسران کو ہدایات جاری کردی گئی ہیں کہ وہ خوداپنے اپنے علاقوں میں رہیں اور کسی بھی لاء اینڈ آرڈر صورتحال سے نمٹنے کے لئے نفری کو بریف کریں اور تمام ڈیوٹی کو خود چیک کریں۔ڈیوٹی پر تعینات تمام اہلکاروں کو مکمل کٹ کے ساتھ بھیجا جائے۔ افسران شہر کے مختلف علاقوں کا دورہ کریں اور ان ہدایات پر عمل درآمد کو یقینی بنائیں۔ اس مو قع پر ایس ایس پی ٹر یفک،ایس پی ہیڈ کو اٹر ز اور سندھ پولیس کے افسران موجو د تھے۔ عامر چوہدری