کراچی، سات سالہ بچے کا اغوا اور قتل، ملزم کو 2مرتبہ پھانسی کی سزا کا حکم

کراچی(مانیٹرنگ ڈیسک ) انسداد دہشتگردی کی خصوصی عدالت نے 7 سالہ بچے کے اغوا اور قتل کا جرم ثابت ہونے پر ملزم رضوان اللہ کو 2 مرتبہ پھانسی کی سزا کا حکم دے دیا۔عدالت نے ملزم کو بچے کے اغوا کے جرم میں عمر قید کی سزا بھی سنائی ہے جبکہ ملزم پر 20 لاکھ روپے جرمانہ بھی عائد کیا ہے۔ استغاثہ جرم ثابت کرنے میں کامیاب رہا۔عدالت نے فیصلے میں کہا کہ جرمانے کی رقم ملزم مقتول بچے کے ورثا کو ادا کرے گا۔پراسیکیوشن کے مطابق ملزم نے بلال کالونی میں گھر کے باہر کھیلتے ہوئے 7 سالہ بچے کو اغواکرلیا تھا، بچے کے اغوا کا مقدمہ 13 جولائی 2020 کو بچے کے والد کی مدعیت میں درج کیا گیا تھا۔