سابق افغان صدر اشرف غنی کی پشاور دھماکے کی مذمت

دبئی(انتخاب نیوز)افغانستان کے سابق صدر اشرف غنی نے پشاور پولیس لائن کی مسجد میں گزشتہ روز ہونے والے خود کش دھماکے کی مذمت کی ہے۔ متحدہ عرب امارات میں مقیم سماجی رابطے کی ویب سائٹ ٹوئٹر پر جاری کیے گئے بیان میں اشرف غنی نے کہاہے کہ میں پشاور میں ہونے والے دہشت گرد حملے کی پرزور مذمت کرتا ہوں۔ انہوں نے کہا کہ میں حملے میں زخمی ہونے والوں کی جلد صحتیابی کے لیے دعاگو ہوں۔ اشرف غنی کا کہنا ہے کہ خود کش دھماکے میں شہدا کے اہل خانہ سے دلی ہمدردی کا اظہار کرتا ہوں۔