تمام سرکاری اور نجی بلڈ بنک کا مشترکہ الحاقی منصوبہ تشکیل دینے کا فیصلہ

کوئٹہ:پارلیمانی سیکرٹری برائے صحت ڈاکٹر ربابہ بلیدی نے کہا ہے کہ بلوچستان میں طبی حوالے سے محفوظ انتقال خون کے لیے ریجنل بلڈ سینٹر کوئٹہ میں تمام سرکاری اور نجی بلڈ بنک کا مشترکہ الحاقی منصوبہ تشکیل دیا جائے گا منصوبے کی بدولت ضرورت مند مریضوں کو انتقال خون سے قبل ڈونر بلڈ کے تمام طبی ٹیسٹ اور اسکیننگ کی جائے گی تاکہ ایک مرض سے شفایاب ہوتے ہوئے مریض کسی دوسرے مہلق مرض کا شکار نہ ہوجائیں صحت عامہ پر کوئی سمجھوتہ نہیں کر سکتے سرکاری سطح پر عوام کو بہتر اور معیاری طبی سہولیات کی فراہمی کے لئے ترجیحی بنیادوں پر اقدامات جاری ہیں اور محکمہ صحت بلوچستان میں ہونے والی اصلاحات کے ثمرات عام آدمی تک پہنچانا صوبائی حکومت کی اولین ترجیح میں شامل ہے ان خیالات کا اظہار انہوں نے آر بی سی سینٹر کے دورے کے موقع پر گفتگو کرتے ہوئے کیا پارلیمانی سیکرٹری صحت ڈاکٹر ربابہ بلیدی نے کہا کہ بلوچستان میں محفوظ انتقال خون کا طریقہ کار طے کرنے جاررہے ہیں ان اقدامات پر عمل درآمد کو یقینی بنانے کے لیے ریجنل بلڈ سینٹر کوئٹہ کو انتقaال خون کے صحت مندانہ رجحان کا مرکز بنایا جائے گا معمولی سے بے احتیاطی کے باعث مریض ایک مرض سے چھٹکارا پانے کے لیے دوسرے مرض میں مبتلا ہو جاتا ہے ایسی صورتحال پر قابو پانے کے لیے ہم نے فیصلہ کیا ہے کہ آر بی سی سینٹر کوئٹہ میں تمام سرکاری اور نجی بلڈ بنک کا مشترکہ الحاقی منصوبہ تشکیل دیا جائے اور انتقال خون سے قبل مریض کو دئیے جانے والے خون کے تمام ٹیسٹ اور اسکیننگ کی جائے کلئیر رپورٹ آنے کے بعد انتقال خون کا عمل پایا تکمیل کو پہنچایا جائے انسانی جان کی حرمت ہمیں عزیز ہے کیونکہ انسانی زندگی کا کوئی نعم البدل نہیں وزیر اعلی بلوچستان جام کمال خان کی کوشش ہے کہ صحت کے شعبے میں اصلاحات لاکر معاشرے کے غریب طبقات کو سرکاری سطح پر علاج معالجے کی معیاری سروسز فراہم کی جائیں ڈاکٹر ربابہ بلیدی نے کہا کہ سرکاری اسپتالوں میں اصلاحات لاکر طبی حوالے سے انہیں عوامی اعتماد کا مرکز بنائیں گے۔