رفح کراسنگ پر نیا حملہ، اقوام متحدہ کے ایندھن کے6ٹرک فلسطین میں داخل

بیت المقدس (این این آئی) غزہ کی پٹی اور مصر کے درمیان رفح بارڈر کراسنگ کے قریبی علاقے کو اسرائیل اور حماس کے درمیان جنگ کے دسویں دن ایک نئے حملے کا نشانہ بنایا گیا۔ 7 اکتوبر سے اس علاقے پر تین مرتبہ حملہ کیا گیا ہے۔فرانسیسی میڈیاکے مطابق رفح کراسنگ پر سینکڑوں فلسطینیوں کا ہجوم جمع ہے۔ یہ افراد رفح کراسنگ عبور کرنے کی اجازت کے منتظر ہیں۔ اقوام متحدہ کے ایندھن کے 6 ٹرک رفح کراسنگ سے غزہ میں داخل ہوئے ہیں۔ اسرائیل کو رفح کراسنگ سے تمام امدادی ٹرکوں کے داخلے پر تحفظات ہیں اور اس نے ان کی تعداد میں کمی کی درخواست کی ہے۔مختلف قومیتوں کے سینکڑوں غیر ملکی شہریوں کے ساتھ ساتھ دوہری شہریت والے فلسطینی بھی پیر کی صبح سے ہی رفح کراسنگ کے دروازے کے سامنے جمع تھے۔وائٹ ہا?س کے ترجمان جان کربی نے کہا کہ وائٹ ہا?س کے حکام کو امید ہے کہ غزہ کی پٹی اور مصر کے درمیان رفح کراسنگ کو پیر کو چند گھنٹوں کے بعد کھول دیا جائے گا تاکہ متوقع اسرائیلی زمینی حملے سے قبل کچھ لوگوں کو پٹی سے نکلنے کی اجازت دی جا سکے۔