ایک حافظ ہی زرداری سمیت سب پر بھاری ہے ، حافظ حسین احمد

کوئٹہ، کراچی، اسلام آباد جمعیت علمائ اسلام کے سینئر رہنمائ سابق سینیٹر حافظ حسین احمد نے کہا ہے کہ انتخابی میچ میں مین آف دی میچ وہی ہوگا جسے امپائر کی خوشنودی حاصل ہوگی، کس کو وزیر اعظم بننا ہے یہ فیصلہ عوام کے ہاتھ میں ہے لیکن اب اسے کسی اور کا صوابدید قرار دیا جارہا ہے، 2018ئ میں بھی امپائر کو ساتھ ملا کر میچ فکس کیا گیا اب دیگر پارٹیاں بھی اس مہربانی کی منتظر نظر آتی ہیں جمعرات کے روز اپنی رہائش گاہ جامعہ مطلع العلوم میں مختلف وفود اور صحافیوں سے گفتگوکرتے ہوئے انہوں نے کہا کہ پاکستان میں ہمیشہ انتخابی میچ کا فیصلہ متنازعہ رہا ہے اب بھی عوام کے پاس جانے کے بجائے تمام پارٹیوں کی نظر امپائر کی طرف ہے، سیاستدان فکس میچ کے لیے امپائر کی طرف دیکھنے کے بجائے اپنے کھلاڑیوں کی سلیکشن اور عوامی رابطے کو اہمیت دی جائے تاکہ ان کا حشر 2018ئ سمیت ماضی کے ونر جیسا نہ ہو سکے ایک سوال کے جواب میں انہوں نے کہا کہ زرداری صاحب کا یہ کہنا کہ اب اس نے نواز شریف کو وزیر اعظم بننے نہیں دینا ناقابل فہم ہے کیا وہ بلاول کو تحریک انصاف کے ساتھ ملکر وزیر اعظم بنا نے کا سوچ رہے ہیں لگتا ہے کہ اب ایک حافظ ہی زرداری سمیت سب پر بھاری ہوسکتا ہے۔