پاکستان بھر سے لاپتہ افراد کے لواحقین انصاف کیلئے اسلام آباد میں دھرنا کیمپ پہنچ گئے

اسلام آباد (مانیٹرنگ ڈیسک) اسلام آباد میں نیشنل پریس کلب کے باہر بلوچ لواحقین لانگ مارچ دھرنے سے جبری طور پر لاپتہ ہونے والے افراد اور ریاستی جبر کا شکار ہونے والے افراد کی رجسٹریشن کی گئی۔ بلوچ یکجہتی کمیٹی کے کیمپ میں نہ صرف بلوچ بلکہ کے پی کے، سندھ، سابق فاٹا اور گلگت بلتستان سے تعلق رکھنے والے لوگ بھی اپنی مظلومیت اور مزاحمت کی داستانیں دستاویز کرنے اور پیش کرنے کی امید لے کر آئے ہیں۔ بلوچستان کے تربت سے نکلنے والی روشنی کی کرن نے پورے پاکستان کے پسماندہ عوام کو ظلم اور ناانصافی کے خلاف مزاحمت کے نعرے کے ساتھ متحد کیا ہے۔ زندہ رہنے کی جدوجہد کی اس لڑائی میں ہمارے لوگ ہماری امید اور روح ہیں۔