’فلسطین آزاد کرو ‘، غزہ میں اسرائیلی مظالم کیخلاف دنیا بھر میں احتجاجی مظاہرے

واشنگٹن/لندن/سٹاک ہوم/بنکاک(صباح نیوز) غزہ میں اسرائیلی جارحیت کے خلاف دنیابھر میں احتجاجی مظاہروں کا سلسلہ جاری ہے۔ اسرائیلی جارحیت کے خلاف واشنگٹن مظاہرے میں ہزاروں افراد نے شرکت کی اور مظاہرین وائٹ ہاؤس کی جالیوں تک پہنچ گئے۔ مظاہرین نے امریکی صدر جو بائیڈن سے غزہ میں نسل کشی رکوانے کا مطالبہ بھی کیا گیا۔ دوسری جانب لندن میں بھی ہزاروں افرادنے ریلی نکالی، فلسطینی پرچم تھامے لوگوں نے فلسطین آزاد کروکے نعرے لگائے۔ سوئیڈن میں نکالی گئی احتجاجی ریلی کے شرکا کی جانب سے بھی غزہ میں جنگ بندی کا مطالبہ کیا گیا۔ اس کے علاوہ تھائی لینڈ میں امریکی سفارتخانے کے باہر مظاہرہ کیا گیا، جنوبی افریقا میں بھی سیکڑوں افراد نے اقوام متحدہ دفتر کے سامنیاحتجاجی ریلی نکالی۔