افغانستان ، بارودی سرنگ میں کھیلنا دردناک ثابت ہو گیا، دھماکے سے 9بچے جاںبحق

کابل(مانیٹرنگ ڈیسک)افغانستان میں بچے بارودی سرنگ کو ناکارہ سمجھ کر کھیل رہے تھے کہ اچانک دھماکہ ہو گیا جس سے 9بچے جاں بحق ہو گئے، تفصیلات کے مطابق عالمی خبر رساں ادارے کے مطابق یہ افسوسناک واقعہ افغانستان کے تاریخی شہر غزنی کے ایک عام سے محلے میں پیش آیا، دھماکا اتنا خوف ناک تھا کہ بچوں کے نازک جسموں کے چھیچھڑے ا±ڑ گئے، دھماکے میں 5بچیاں اور 4بچے جاں بحق ہو گئے، بارودی سرنگ سے کھیلنے والے تمام بچوں کی موقع پر ہی موت واقع ہوگئی یاد رہے کہ 1979 سے روس جنگ، طالبان حکومت اور پھر اس کے بعد ہونے والی دہائیوں پر محیط خانہ جنگی کے دوران جابجا بارودی سرنگیں بچھائی گئی تھیں جن کے پھٹنے یا بچوں کے ہاتھ لگ جانے کے باعث ہلاکتوں کا سلسلہ تاحال جاری ہے۔