اسرائیل کا دمشق میں ایرانی قونصل خانے پر میزائل حملہ، 8 افراد ہلاک، متعدد سفارتکار بھی شامل

دمشق (مانیٹرنگ ڈیسک) اسرائیل کا شام کے دارالحکومت دمشق میں ایرانی قونصل خانے پر میزائل حملہ، 8 افراد ہلاک، متعدد سفارتکار بھی شامل۔ ایرانی میڈیا کے مطابق اسرائیل نے دمشق میں ایرانی قونصل خانے کو میزائل حملے کا نشانہ بنایا جس کے نتیجے میں قونصل خانے کی عمارت تباہ ہوگئی۔ رپورٹس میں کہا گیا ہے کہ اسرائیلی حملے میں قونصل خانے سے متصل عمارتوں کو بھی نقصان پہنچا ہے۔ ایران کے سرکاری میڈیا نے دمشق میں سفارتکاروں کی ہلاکت کی تصدیق کی اور کہا کہ دمشق میں اسرائیلی حملے میں متعدد ایرانی سفارتکار بھی ہلاک ہوئے۔ غیر ملکی خبر رساں ایجنسی نے بتایاکہ دمشق میں اسرائیلی میزائل حملے میں ہلاک ہونے والوں میں ایرانی پاسداران انقلاب کے القدس بریگیڈز کے سینئر کمانڈر رضا زاہدی بھی شامل ہیں۔ ایرانی میڈیا کے مطابق میزائل حملے میں قونصل خانے اور سفیر کی رہائش گاہ کو نشانہ بنایا گیا۔ اسرائیلی حملے کے بعد شامی وزیر خارجہ نے بھی ایرانی قونصل خانے کا دورہ کیا۔