خضدار ، محکمہ ڈاک کھنڈرات میں تبدیل ،عوام شدید مشکلات کا شکار

خضدار(بیورورپورٹ) ضلع خضدار کاواحد ادارہ محکمہ ڈاکخانہ کھنڈرات میں تبدیل اوربھوت بنگلہ کا منظر پیش کرنے لگی ہے کئی سالوں سے محکمہ ڈاک میں اسلحہ اور ڈرائیونگ لائسنس کی ٹکٹ تک بھی دستیاب ہونے کا فقدان ہے ادارہ میں ٹکٹ دستیاب نہ ہونے کی وجہ سے اسلحہ و ڈرائیونگ لائسنس کی تجدید کے لیئے عوام کو سخت پریشانی کا سامناکرنا پڑرہاہے شہریوں کاپوسٹ آفس کے اعلی حکام کمشنرقلات ڈویژن و ڈپٹی کمشنر خضدارسے فوری نوٹس لینے کا مطالبہ ان خیالات کا اظہار خضدارکے عوامی حلقوں نے میڈیا نمائندوں سے بات چیت کرتے ہوئے کیا انہوں نے کہا کہ خضدار میں محکمہ ڈاکخانہ آج کل شہریوں کو سہولیات فراہم کرنے میں مکمل طورپرناکام ہوچکا ہے پہلے زمانے میں لوگ خط و کتابت اور منی آرڈر کے لیئے ڈاکخانہ کا رخ کیاکرتے تھے لیکن اب رابطے کے جدید ذرائع کی موجودگی کے باعث یہ سلسلہ ختم ہوچکا ہے جبکہ منی آرڈر کی جگہ اب ایزی پیسہ جیسے سہولتوں نے جگہ لے لی ہے اب پوسٹ آفس کا کام محض ٹکٹوں کی فراہمی تک محدود ہوکررہ گئی ہے اور پوسٹ آفس کے حکام اپنے ذمہ داریوں سے مکمل غافل نظر آرہے ہے ہرسال 31 دسمبرتک سالانہ لائسنس یافتہ اسلحہ اور ڈرائیونگ لائسنس کی تجدید کیلئے ٹکٹ لگائی جاتی ہے لیکن خضدار پوسٹ آفس کی نااہلی وجہ سے لوگ مایوسی کا شکار ہے اور پوسٹ آفس میں ٹکٹ کا فقدان ہے ماہ دسمبر سے اب تک چھ ماہ گزر چکے ہیں لیکن پوسٹ آفس ٹکٹ کی فراہمی میں مکمل ناکام دکھائی دے رہی ہے عوامی حلقوں کے مطابق اس سے قبل بھی گزشتہ کئی عرصے تک خضدار پوسٹ آفس میں کوئی ٹکٹ دستیاب نہیں تھے عوام اسلحہ و ڈرائیونگ لائسنس کی تجدید کے لیئے پچھلے ایک سال سے لوگ ڈاکخانہ کا رخ کرتے ہیں تو انہیں یہ کہا جاتا ہے کہ ٹکٹ دستیاب نہیں ہے اب سوال یہ پیدا ہوتا ہے کہ لائسنس کی تجدید کے لیئے لوگ کہاں جائیں اور کس کے دورازے پرکھٹکھٹائے خضدار کے سیاسی و عوامی حلقوں نے جنرل منیجرپوسٹ آفس بلوچستان,کمشنر قلات ڈویژن,ڈپٹی کمشنر خضدارسے مطالبہ کیا ہے کہ خضدارکے پوسٹ آفس کی عملہ کی نااہلی اور ادارہ کے تباہی کا نوٹس لیکر اس کو فعال بنایا جائے اورپوسٹ آفس میں اسلحہ اور ڈرائیونگ لائسنس کے ٹکٹوں کی دستیابی کو یقینی بنائیں۔