عمران خان اور بشریٰ بی بی کے جسمانی ریمانڈ میں توسیع

اسلام آباد (صباح نیوز) اسلام آباد کی احتساب عدالت نے توشہ خانہ کے نئے ریفرنس میں بانی پی ٹی آئی اور ان کی اہلیہ بشریٰ بی بی کے جسمانی ریمانڈ میں توسیع کر دی۔ نیا توشہ خانہ ریفرنس سے کی سماعت ہوئی ،بانی پی ٹی آئی اور بشریٰ بی بی کو 8 روزہ جسمانی ریمانڈ مکمل ہونے پر عدالت پیش کیا گیا۔نیب ٹیم نے ملزمان کی تفتیش سے متعلق پیشرفت رپورٹ عدالت میں پیش کی اور نیب کے تفتیشی افسر کی جانب سے ملزمان کے مزید 14 روزہ ریمانڈ کی استدعا کی گئی۔ عدالت بانی پی ٹی آئی اور بشریٰ بی بی کا توشہ خانہ کے نئے کیس میں مزید 7 روز کا جسمانی ریمانڈ منظور کر لیا، عدالت نے دونوں کے جسمانی ریمانڈ میں 29 جولائی تک توسیع کر دی۔