بلوچستان ،کوسٹ گارڈز کی کارروائی،بھاری مقدار میں غیر ملکی شراب برآمد
حب (نمائندہ انتخاب )پاکستان کوسٹ گارڈز کی بلوچستان کے ساحلی پٹی گڈانی ،جیوانی و دیگر علاقوں میں کاروائیاں ،بھاری مقدار میں اعلیٰ کوالٹی کی غیر ملکی شراب کی عالمی مارکیٹ میں مالیت 63 ھزار امریکی ڈالر کے لگ بھگ ہے اس حوالے سے ترجمان پاکستان کوسٹ گارڈز کے جاری ایک پریس ریلیز کے مطابق پاکستان کوسٹ گارڈز کی بلوچستان کے علاقے گڈانی اور سپر ہائی وے روڈ چیک پر اسمگلنگ کے خلاف کاروائیاں ،بھاری مقدار میں اعلی کوالٹی کی غیر ملکی شراب برآمد پاکستان کوسٹ گارڈز نے اپنی انٹیلیجنس ذرائع کے بنیاد پر کارروائی کرتے ہوئے گڈانی کے نزدیک سمندر کے راستے اسمگل کی جانے والی آعلی کوالٹی کی غیر ملکی شراب کی 1973بوتلیں جبکہ سپر ہائی وے روڈ چیک پر مسافر کوچ کے ذریعے اسمگل کی جانے والی 102 بوتلیں برآمد کر لیں شراب اندرونِ ملک اسمگلنگ کی جا رہی تھی۔ پکڑی جانے والی شراب کی عالمی مارکیٹ میں مالیت 63 ھزار امریکی ڈالر کے لگ بھگ ہے ۔ مذکورہ شراب قبضے میں لے کر قانونی کاروائی کا آغاز کر دیا گیا ہے۔
