کوہلو، نامعلوم افراد نے لیویز چوکی سعید آباد کو آگ لگا دی

کوہلو(یو این اے )بلوچستان کے ضلع کوہلو کی تحصیل ماوند کے علاقے منجھرہ میں رات گئے نامعلوم افراد نے لیویز چوکی سعید آباد کو آگ لگا دی، جس کے نتیجے میں چوکی مکمل طور پر تباہ ہو گئی آگ کی شدت سے لیویز چوکی کا تمام سامان اور خیمہ مکمل طور پر جل کر راکھ ہوگیا۔ اس واقعے کے بعد لیویز حکام نے فورا تفتیش شروع کر دی ہے تاکہ حملہ آوروں کا سراغ لگایا جا سکے اور اس واقعے کے حوالے سے مزید تحقیقات کی جائیں۔لیویز حکام کے مطابق، واقعہ کی تحقیقات جاری ہیں اور جلد ہی مزید تفصیلات فراہم کی جائیں گی۔