چاغی، مسلح افراد کے سامنے ہتھیار ڈالنے والے چار لیویز اہلکار نوکری سے برطرف

کوئٹہ (آن لائن) ڈائریکٹر جنرل بلوچستان لیویز فورس عبدالغفار مگسی کی ہدایت پر ڈپٹی کمشنر چاغی نے بلوچستان لیویز فورس ڈسپلنری ایکٹ 2015 کے تحت اپنے اختیارات کا استعمال کرتے ہوئے چار لیویز اہلکاروں کو ان کے فرائض سے برطرف کر دیا ہے۔یہ اہم اقدام ان اہلکاروں کی جانب سے غلط معلومات فراہم کرنے غفلت برتنے اور ایک بزدلانہ عمل کے تحت اٹھایا گیا تھا، جس میں انہوں نے لیویز پوسٹ امین آباد پر غیر معروف مسلح افراد کے سامنے اپنے ہتھیار اور واکی ٹاکیز سرنڈر کر دیے تھے۔ اس بدعنوان رویے کے نتیجے میں ان اہلکاروں کی برطرفی عمل میں لائی گئی برطرف ہونے والے میں علی اکبر (حوالدار) اللہ نور (سپاہی) عبدالباقی (سپاہی) اور احمد شاہ (سپاہی) شامل ہیں ڈائریکٹر جنرل بلوچستان لیویز فورس نے اس فیصلے کو ان اہلکاروں کی پیشہ ورانہ ذمہ داریوں میں ناکامی کی عکاسی قرار دیا اور کہا کہ ایسے اقدامات اس بات کی وضاحت کرتے ہیں کہ لیویز فورس کے اہلکاروں سے پیشہ ورانہ معیار اور امانت داری کی توقع کی جاتی ہے۔