عمران خان نے اعظم سواتی کو سینیٹ اور قومی اسمبلی میں محمود اچکزئی کو اپوزیشن لیڈر نامزد کردیا

اسلام آباد (انتخاب نیوز) پاکستان تحریک انصاف کے بانی عمران خان نے سینیٹ میں اعظم سواتی اور قومی اسمبلی میں اپوزیشن لیڈر کے لیے محمود خان اچکزئی کو نامزد کر دیا ہے۔ پی ٹی آئی کے سیکرٹری جنرل سلمان اکرم راجہ نے سپریم کورٹ کے باہر میڈیا سے گفتگو کرتے ہوئے کہا کہ انہیں بانی پی ٹی آئی سے ہماری ملاقات کرانی ہوگی ہم چھٹیاں ختم ہونے کا انتظار کر رہے ہیں، اسلام آباد ہائی کورٹ میں ہمارا توہین عدالت کا کیس لگا ہوا ہے۔ ان کا کہنا تھا کہ ہم ہمارے توہین عدالت کیس کی شنوائی نہیں ہو رہی ہے، اسلام آباد ہائی کورٹ نے اس ملاقات کے حوالے سے حکم دیا ہوا ہے لیکن اس پر ہم عملدرآمد نہیں ہو رہا۔ بانی پی ٹی آئی نے ضمنی انتخابات کے حوالے سے پارٹی کی سیاست کمیٹی پر معاملہ چھوڑ دیا ہے، پی ٹی آئی کی سیاسی کمیٹی کا اجلاس آج شام کو ہوگا جس میں اس حوالے سے فیصلہ کیا جائے گا۔ سلمان اکرم راجہ نے کہا کہ پانی پی ٹی آئی نے پنجاب اسمبلی کے اپوزیشن لیڈر کے حوالے سے پانچ نام مانگے ہیں جن میں ایک کا فیصلہ ہوگا، عمران خان نے قومی اسمبلی میں محمود خان اچکزئی کو اپوزیشن لیڈر نامزد کر دیا، سینٹ میں اپوزیشن لیڈر اعظم خان سواتی کو نامزد کیا ہے۔ محمود خان اچکزائی اپوزیشن گرینڈ الائنس کے سربراہ بھی ہیں۔