مغربی بلوچستان کے علاقے سیستان میں پاسداران انقلاب نے 13 عسکریت پسند ہلاک کردیے، ایران کا دعویٰ

تہران (مانیٹرنگ ڈیسک) ایران نے مغربی بلوچستان کے علاقے سیستان اور بلوچستان آپریشنز میں 13 عسکریت پسندوں کو ہلاک کرنے کا دعویٰ کیا ہے۔ ایران کی سپاہ پاسداران انقلاب اسلامی (IRGC) کے قدس بیس نے اعلان کیا ہے کہ اس کے یونٹوں نے وزارت انٹیلی جنس کے ساتھ مل کر آج صبح سویرے ایران شہر، خاش اور سراوان شہروں میں تین مشترکہ کارروائیاں کیں۔ بیان کے مطابق ایرانی فورسز کی کارروائیوں کے دوران دہشت گرد گروپوں کے ارکان کے ساتھ جھڑپ ہوئی جس کے نتیجے میں کم از کم 13 عسکریت پسند مارے گئے۔