پاکستان میں صدارتی نظام ناکام ہو چکا، حکومت اور پی ٹی آئی کے درمیان مذاکرات پر آمادگی مثبت قدم ہے، مولانا فضل الرحمن

جمعیت علمائے اسلام جے یو آئی کے سربراہ مولانا فضل الرحمن نے حکومت اور اپوزیشن کے درمیان مذاکرات پر آمادگی کو مثبت قدم قرار دے دیا۔رحیم یارخان میں پریس کانفرنس کرتے ہوئے مولانا فضل الرحمن نے کہا کہ حکومت اور پی ٹی آئی کے درمیان مذاکرات پر آمادگی مثبت قدم ہے۔مولانا فضل الرحمن نے کہا کہ الیکشن میرٹ پر ہوتے تو مہنگائی اور استحصالی نظام نہ ہوتا ، پاکستان میں صدارتی نظام ناکام ہو چکا ہے، آزادی اظہار اور حق کے لیے احتجاج ہر شہری کا حق ہے۔جے یو آئی کے سربراہ مولانا فضل الرحمن کا کہنا تھا کہ انتظامی بنیاد پر زمین ہموار کیے بغیر صوبے بنانے کی سوچ غلط ہے ، اگر صوبے بنانے ہیں تو زمینی حقائق کو مدِنظر رکھ کر بنائے جائیں۔ مولانا فضل الرحمن نے کہا کہ ادارے آئینی حدود میں کام کریں تو اسے خوش آئند کہیں گے۔