ایڈمرل محمد امجد خان نیازی نئے نیول چیف تعینات

ذرائع وزیراعظم آفس کے مطابق محمدامجدخان نیازی کو وائس ایڈمرل سے ایڈمرل کےعہدے پرترقی دی گئی ہے، ایڈمرل محمد امجد خان نیازی، ظفر محمود عباسی کی جگہ نیول چیف کا عہدہ سنبھالیں گے۔

ایڈمرل محمد امجد خان نیازی نے پاکستان نیول اکیڈمی سے اعزازی تلوار حاصل کی ہے اور بھارت کے ساتھ حالیہ تناؤ کے دوران محمد امجد خان نیازی نے اس پاکستانی فلیٹ کی کمانڈ کی تھی جس نے پاکستانی سمندری حدود میں بھارتی آبدوز کا سراغ لگایا تھا۔

انٹرسروسز پبلک ریلیشنر(آئی ایس پی آر) کے مطابق جی ایچ کیو میں ظفر محمود عباسی نے آرمی چیف جنرل قمر جاوید باجوہ سے ملاقات کی، اس موقع پر آرمی چیف نے پاک نیوی میں طویل عرصے تک خدمات سرانجام دینے پر ان کا شکریہ ادا کیا۔

آئی ایس پی آر کے مطابق ایڈمرل ظفر محمود عباسی کی جی ایچ کیو آمد کے موقع پر انہیں گارڈ آف آنر بھی پیش کیا گیا۔