سندھ سے کا لعدم بلوچ تنظیم سے تعلق کے الزام میں ملزم گرفتار،بارودی مواد برآمد

کراچی :محکمہ انسداد دہشت گردی نے خیرپور سے انتہائی مطلوب عسکریت پسند گرد کو گرفتار کرکے بارودی مواد برآمد کرنے کا دعویٰ کیا ہے۔

ترجمان سی ٹی ڈی سکھر کا کہنا ہے کہ گرفتار عسکریت پسند ضمیر کا تعلق کالعدم بلوچستان لبریشن آرمی سے ہے اور دوران تفتیش ملزم نے اعتراف کیاکہ اس نے تربیت پڑوسی ملک سے حاصل کی۔

ترجمان نے بتایا کہ ملزم نے اعتراف کیا کہ لوگوں کو اکسا کر پاکستان میں دہشت گرد کارروائیوں میں استعمال کیا۔

حکام کےمطابق گرفتار ملزم ایف سی کی چیک پوسٹوں پر حملے سمیت متعدد دہشت گردی کی وارداتوں میں ملوث ہے جبکہ ملزم سے بارودی مواد بھی برآمد کیا گیا ہے۔