ملک میں نظام عدل کو مزید بہتر بنانے کی ضرورت ہے‘ جسٹس گلزار احمد

لاہور :چیف جسٹس آف پاکستان جسٹس گلزار احمد نے کہا ہے کہ ملک میں قانون کی حکمرانی کو یقینی بنانا ہے اور نظام عدل کو مزید بہتر بنانے کی ضرورت ہے۔پنجاب جوڈیشل اکیڈمی میں ضلعی عدلیہ کے لیے فوجداری اور سول حوالہ جات اور بینچ بک کی تقریب سے خطاب کرتے ہوئے چیف جسٹس آف پاکستان جسٹس گلزار احمد نے کہا کہ مسلسل ریسرچ کا کوئی متبادل نہیں ہے ضلعی عدلیہ کے ججز کو تحقیق کرتے رہنا چاہیے۔چیف جسٹس نے ضلعی عدلیہ اور ٹیریبیونلز کی تعداد بڑھانے کی ضرورت پر زور دیا۔چیف جسٹس پاکستان جسٹس گلزار احمد نے کہاکہ ضلعی عدلیہ میں نئے ججز کے تقرر کے لیے چیف جسٹس لاہور ہائیکورٹ سے بات ہوئی ہے۔انہوں نے کہاکہ کرونا کے دوران بھی ججز انصاف فراہم کرتے رہے ہیں۔