مراد علی شاہ نے صوبہ سندھ میں بلدیاتی انتخابات کرانے کا اعلان کر دیا

کراچی:وزیر اعلی سندھ سید مراد علی شاہ نے صوبے میں عام انتخابات سے قبلسیاسی بنیادوں پر بلدیاتی انتخابات کرانے کا اعلان کر دیا۔وزیراعلی مراد علی شاہ نے کہا ہے کہ سند ھ میں بلدیاتی انتخابات عام انتخابات سے قبل کرائیں جائیں گے جو کہ سیاسی بنیادوں پر ہوں گے، ہمیں مردم شماری پر اعتراضات ہیں جس کے ثبوت سی سی آئی میں پیش کیے ہیں اور پارلیمنٹ کا مشترکہ اجلاس طلب کر کے بحث کرانے کے لیے بھی خط لکھا ہے۔مراد علی شاہ نے کہا کہ نواز شریف کی افغان نمائندے سے ملاقات کا میڈیا پر سنا ہے، ہماری خارجہ پالیسی ناکام جا رہی ہے ایران، افغانستان اور چین سے ہمارے رابطے متاثر ہو رہے ہیں تاہم ہم چین سے اچھے رابطوں کی کوشش میں ہیں۔