زمینداروں کے ایک سال کے واپڈا بل معاف کیئے جائیں،جمعیت

کوئٹہ:جمعیت علماء اسلام بلوچستان کے صوبائی پریس ریلیز بلوچستان کے مختلف اضلاع میں لوڈ شیڈنگ کی شدید الفاظ میں مذمت کرتے ہوئے کہا کہ زمینداروں کے ایک سال کے واپڈا بل معاف کیئے جائیں دو گھنٹے بجلی کی فراہمی زمینداروں کے ساتھ بدترین ظلم ہے جس کی جتنی بھی مذمت کی جائے کم ہے لاک ڈاؤن سے متاثرہ زمینداروں کو 21 گھنٹے بجلی کی ضرورت ہے مگر واپڈا کی ہٹ دھرمی اور نارروا عمل کی وجہ سے عین سیزن کے وقت کیسکو واپڈا حکام کی جانب سے 21 گھنٹے لوڈ شیڈنگ صوبے کی واحد زریعہ معاش زراعت کو تباہی کے دہانے پہنچانا اور زمینداروں کونان شبینہ کے محتاج بنانے کا دانستہ عمل ہے جس کو کسی صورت قبول نہیں کیا جا سکتا صوبہ بھر میں زمینداروں کو ہزاروں بل کے بدلے چھ سے ا?ٹھ گھنٹے بجلی مہیا کی جارہی تھی جسے گھٹا کر 2 گھنٹے کردیا گیا وفاقی محکمے صوبہ دشمنی تر ک کردیں بصورت دیگر زمینداروں کے ساتھ مل کر بھر پور احتجاج سے دریغ نہیں کیا جائیگا۔ 24 گھنٹوں میں 21 گھنٹے لوڈ شیڈنگ اور صرف تین گھنٹے بجلی کی فراہمی زراعت کی تباہی پر مبنی عمل ہے زمینداروں کو چھ گھنٹوں کے حساب سے بجلی دی جارہی تھی جبکہ زمیندار ہزاروں روپے بل جمع کرارہے تھے عین سیزن کے وقت بجلی کی بندش سے فصلات اور باغات کو ناقابل تلافی نقصان پہنچنے کا اندیشہ ہے لہٰذا کیسکو واپڈا حکام اس ناروا اور زمیندار دشمن اقدام سے گریز کریں تاکہ صوبے کی واحد زریعہ معاش زراعت کو مزید تباہی وبربادی سے بچایا جاسکے پریس ریلیز میں کہا ہے کہ اس حوالے سے جمعیت علماء اسلام عوامی پریشانی پر خاموشی کو گناہ سمجھتی ہے انہوں نے کہا کہ لوڈ شیڈنگ کے اس ظالمانہ سلوک کا فوری نوٹس لیا جائے