عمران خان کا انسداد دہشتگردی عدالت میں پیش نہ ہونے کا فیصلہ

اسلام آباد(انتخاب نیوز) چیئرمین پاکستان تحریک انصاف عمران خان نے ضمانت قبل از گرفتاری کیلئے آج انسداد دہشتگردی کی عدالت میں پیش نہ ہونے کا فیصلہ کیا ہے۔سابق وزیراعظم عمران خان نے ضمانت قبل از گرفتاری کے لیے اپنی قانونی ٹیم سے مشاورت کی ہے جس کے بعد انہوں نے انسداد دہشتگردی کی عدالت میں پیش نہ ہونے کا فیصلہ کیاہے۔ذرائع کا کہنا ہےکہ عمران خان اپنی قانونی ٹیم کے اراکین سے ا?ج سہ پہر ملاقات کریں گے جس کے بعد وہ سیاسی کمیٹی کے اراکین سے بھی مشاورت کریں گے،عمران خان کے ہری پور جلسے کے بعد انسداد دہشتگردی کی عدالت میں جانے کا امکان ہے۔واضح رہے کہ پولیس افسران اور خاتون جج کو دھمکی کے مقدمے میں اسلام آباد ہائیکورٹ نے عمران خان کی 3روز کے لیے راہداری ضمانت منظورکی تھی۔