لیسٹر ہندومسلم کشیدگی،چھوٹے سے گروہ نے مسئلہ پیدا کیا، مقامی کونسلر

لیسٹر (مانیٹرنگ ڈیسک) پاک بھارت کرکٹ میچ کے بعد سے جاری انگلینڈکے شہر لیسٹر میں جاری کشیدگی کم نہ ہو سکی۔میڈیارپورٹس کے مطابق مختلف علاقوں سے برطانیہ کے شہر لیسٹر میں منتقل ہونے والے افراد تاحال خوف کا شکار ہیں، ان فسادات نے کئی دہائیوں سے ساتھ رہنے والے عوام میں خوف و ہراس کی فضا پیدا کر دی ۔ اس حوالے سے مقامی کونسلر کا کہنا ہے کہ کرکٹ میچ تو 70 سال سے کھیلے جا رہے ہیں، چھوٹا ساگروہ ہے جس نے مسئلہ پیدا کیا، ہم اس مسئلے پر جلد قابو پا لیں گے۔گزشتہ روز 45 برس سے لیسٹر میں مقیم اسماعیل بخاری نے سے گفتگو کرتے ہوئے بتایا تھا کہ پرامن شہر میں ہولناک مناظر نے ہمیں ہلا کر رکھ دیا ہے، لیسٹر میں ایسے حالات کبھی نہیں دیکھے۔یاد رہے کہ ایشیا کپ میں پاک بھارت میچ کے بعد پاکستانی برٹش اور بھارتی برٹش نوجوانوں کے درمیان جھگڑا ہوا تھا جس کے پیش نظر اب تک 30 سے زائد افراد کو گرفتار کیا جا چکا ہے۔