سی پیک اسٹڈی سینٹر یونیورسٹی آف گوادر کے زیر اہتمام لیکچر سیشن کا انعقاد

گوادر (انتخاب نیوز) علم اور دانش سے ہی ملک کی بہتر خدمت کی جاسکتی ہے، ڈی جی آئی ایس ایس آئی اعزاز احمد چودھری۔ سی پیک اسٹڈی سینٹر یونیورسٹی آف گوادر کے زیر اہتمام سیمینار ہال میں ایک لیکچر سیشن کا انعقاد کیا گیا جس میں سابق سیکرٹری اور ڈائریکٹر جنرل انسٹیٹیوٹ آف اسٹریٹیجک اسٹٹدیز اسلام آباد فارن افیئرز اعزاز احمد چودھری نے گوادر یونیورسٹی کے فیکلٹی ممبران اور طلباءکو سی پیک کی عالمی اور علاقائی اہمیت کے موضوع پر خطاب کیا جبکہ لیکچر سیشن کے دیگر مہمانان میں ام نغمانہ ہاشمی سابقہ پاکستانی سفیر برائے چین، ڈاکٹر زاہد انور پرو وائس چانسلر پشاور یونیورسٹی، فرخ پتافی کالم نگار، راجہ عامر اقبال سابق چیئرمین راولپنڈی چیمبر آف کامرس اینڈ صنعت زاہد، لطیف خان صدر اسلام آباد اسٹاک ایکسچینج، شکیل منیر سابق صدر اسلام آباد چیمبر آف کامرس اینڈ صنعت، ڈاکٹر طلعت شبیر ڈائریکٹر چائنا پاکستان اسٹڈی سینٹر سمیت جامعہ گوادر کے رجسٹرار دولت خان، ڈائریکٹر فنانس شفع محمد شامل تھے۔ پرو وائس چانسلر یونیورسٹی آف گوادر پروفیسر ڈاکٹر سید منظور احمد نے اپنے افتتاحی کلمات میں معزز مہمانان کی یونیورسٹی آمد پر شکریہ ادا کیا اور انہیں یونیورسٹی کے متعلق بریفنگ دی۔ پرو وائس چانسلر نے مزید کہا کہ گوادر یونیورسٹی تمام متعلقہ اداروں بشمول چمبر آف کامرس اینڈ صنعت راولپنڈی، اسلام آباد، اسلام آباد اسٹاک ایکسچینج ، پشاور یونیورسٹی اور چائنا پاکستان اسٹڈی سینٹر سے تدریسی علمی اور تحقیقی شعبوں میں تعاون کے منتظر ہیں۔ اس موقع پر سابق سیکرٹری اور ڈائریکٹر جنرل انسٹیٹیوٹ آف اسٹریٹیجک اسٹڈیز اسلام آباد فارن افیئرز اعزاز احمد چودھری نے اپنے خطاب میں کہا کہ گوادر یونیورسٹی میں آکر بہت خوشی ہوئی۔ یونیورسٹیاں کسی بھی شہر کا دل ہوتی ہیں۔ پاکستان کا مستقبل اس شہر گوادر سے جڑا ہوا ہے اور گوادر کا دل گوادر یونیورسٹی ہے۔ علم اور حکمت سے ہی ملک کی بہتر خدمت کی جاسکتی ہے اور تعلیم سے ہی مستقبل بنتا ہے۔ انہوں نے مزید کہا کہ سی پیک کے ثمرات سے بلوچستان میں ترقی کی نئی رائیں کھلیں گی جس سے یہاں اس خطے کے لوگوں کو خاطر خواہ فائدہ ملیں گے۔ سیشن کے اختتام پر پرو وائس چانسلر نے معزز مہمانان کو وائس چانسلر پروفیسر ڈاکٹر عبدالرزاق صابر کی جانب سے یونیورسٹی کی یادگاری شیلڈ پیش کی۔ ڈائریکٹر اسٹوڈنٹس افیئرز میڈم سعدیہ نصیر نے لیکچر سیشن کی نطامت کے فرائض سرانجام دیئے۔