تحریک عدم اعتماد، پرویز الہٰی وزیر اعلٰی نہیں رہے، رانا ثنااللہ نے گورنر راج لگنے کاخدشہ ظاہر کر دیا

لاہور(انتخاب نیوز )رانا ثنااللہ کا کہنا تھا کہ گورنر پنجاب 4 بجے کے بعد نیا نوٹیفکیشن جاری کر دیں گے، نئے ڈکلیئریشن کے مطابق پرویز الٰہی وزیراعلی نہیں رہیں گے، گورنر پنجاب،وزیراعظم کو گورنر راج لگانے کی درخواست بھی کر سکتے ہیں۔چیئرمین پی ٹی آئی کی مبینہ آڈیو سے متعلق سوال پر وفاقی وزیرداخلہ کا کہنا تھا کہ عمران خان کی جو آڈیو ہے یہ حقیقت ہے، عمران خان کی ویڈیو بھی موجودہیں جو آڈیو میں ہے وہ ویڈیو میں ہے۔وزیر داخلہ کا کہنا تھا گورنر پنجاب نے آئین کے تحت وزیراعلیٰ پنجاب کو اعتماد کا ووٹ لینے کا کہا ہے، گورنر نے اعتماد کے ووٹ کے لیے آج 4 بجے تک اجلاس بلانے کا کہا ہے، گورنر کا طلب کردہ اجلاس چار بجے ہی ہونا ہے گیارہ بجے نہیں ہونا، گورنر کی نئی ڈکلیئریشن کے بعد پرویز الہٰی وزیراعلیٰ نہیں رہیں گے۔وفاقی وزیر نے کہا کہ عدالت سے پرویز الہٰی کو کوئی ریلیف نہیں مل رہا جبکہ اسپیکر کی رولنگ کی ہمیں ضرورت نہیں ہے۔ایک سوال کے جواب میں رانا ثنا اللہ نے مزید کہا کہ وزیراعلیٰ کے لیے ہمارے امیدوار حمزہ شہباز ہیں لیکن پارٹی فیصلہ کرے گی۔