زائد اثاثہ جات، عثمان بزدار کی عبوری ضمانت 27 فروری تک منظور

لاہور(مانیٹرنگ ڈیسک) لاہور کی احتساب عدالت لاہور نے آمدن سے زائد اثاثہ جات انکوائری میں سابق وزیر اعلیٰ پنجاب عثمان بزدار کی عبوری ضمانت 27 فروری تک منظور کرلی۔احتساب عدالت کی ایڈمن جج عظمیٰ اختر چغتائی نے درخواست پر سماعت کی ،عدالت نے نیب کو 27 فروری تک گرفتاری سے روکتے ہوئے عثمان بزادر کو شامل تفتیش ہونے کا حکم دیا ہے جبکہ آئندہ سماعت پر نیب حکام سے رپورٹ طلب کرلی ہے۔سابق وزیر اعلی پنجاب سردار عثمان بزدار نے گرفتاری کے خوف سے عبوری ضمانت صبح دائر کی تھی جس میں عثمان بزدار نے موقف اپنایا کہ پہلے نیب نے کہا تھا کہ عثمان بزدار کی گرفتاری مطلوب نہیں ہے اور اب نوٹس بھیج دیا ہے۔عثمان بزدار نے استدعا کی کہ نیب نے مجھے کال اپ نوٹس بھیج دیا ہے جس پر گرفتاری کا ڈر ہے لہذا عبوری ضمانت منظور کی جائے۔ واضح رہے کہ نیب لاہور نے کرپشن سمیت دیگر الزامات میں عثمان بزدار کو آج پیش ہونے کا حکم دے رکھا تھا۔

اپنا تبصرہ بھیجیں