کبھی ہار نہیں مانوں گا، ٹرمپ نے اپنے خلاف فرد جرم کو مضحکہ خیز قرار دیدیا

واشنگٹن:سابق امریکی صدر ڈونلڈ ٹرمپ نے اپنےخلاف فرد جرم کو مضحکہ خیز اور بے بنیاد قرار دے دیا۔غیرملکی خبررساں ادارے کے مطابق جارجیا میں کنونشن سے خطاب کرتے ہوئے انہوں نے کہا کہ فرد جرم ایف بی آئی اور محکمہ انصاف کی انتخاب میں مداخلت کے مترادف ہے۔ان کا کہنا تھا کہ ہم موجودہ سیاسی اسٹیبلشمنٹ کا مقابلہ کرنے جارہے ہیں، کبھی ہار نہیں مانوں گا، اپنے مشن سے باز نہیں آوں گا۔ڈونلڈ ٹرمپ نے کہا کہ حساس دستاویزات کو جاسوسی ایکٹ کے بجائے صدارتی ریکارڈ ایکٹ کے تحت آنا چاہیے تھا۔