عوامی نیشنل پارٹی نے عام انتخابات کیلئے امیدواران کا اعلان کردیا

پشاور (انتخاب نیوز) عوامی نیشنل پارٹی (اے این پی) نے عام انتخابات کے لیے قومی اور صوبائی اسمبلی کے مزید امیدواران کا اعلان کردیا۔ تفصیلات کے مطابق ثاقب اللہ خان چمکنی این اے 29 اور ارباب زین عمر این اے 30 پشاور کے امیدوار ہوں گے۔ این اے 38 کرک سے حامد طوفان جبکہ این اے 40 جنوبی وزیرستان سے اشرف داوڑ امیدوار ہوں گے۔ صوبائی حلقوں میں پی کے 5 سوات کے لیے میاں حذیفہ اور پی کے 17 لوئر دیر کے لیے ملک سجاد امیدوار ہوں گے۔ پی کے 41 تورغر کے لیے زرین گل اور پی کے 55 مردان میں سید محمد سہیل باچا امیدوار ہوں گے۔ سابق وزیراعلیٰ خیبرپختونخوا امیرحیدرخان ہوتی پی کے 58 مردان سے انتخابات میں حصہ لیں گے۔ پی کے 59 مردان سے ہارون خان اور پی کے 77 پشاور سے صلاح الدین مومند امیدوار ہوں گے۔ پی کے 100 بنوں سے اصغرنواز خان جبکہ پی کے 104 جنوبی وزیرستان سے اشرف داوڑ امیدوار ہوں گے۔ چیئرمین صوبائی پارلیمانی بورڈ ایمل ولی خان نے اراکین سے مشاورت کے بعد امیدواران کی منظوری دے دی۔